2023-mi januaarip aallaqqaataani atuisunut akit
2023-mi januaarip aallaqqaataani atuisunut akit naleqqersuutaat tamakkiisoq ukiup siuliani ullormi pineqartumut naleqqiullugu 2,7 pct.-imik qaffariarpoq. Pisiassat inuussutissanut tunngasut akitsortitsinerpaajusimapput, nioqqutissaqarfiit inuussutissat akitsorsimasut ukuupput; immuit, immuit qalipaat, immussuit, mannigit aamma punneq margarinalu il.il. 6,7 pct.-imik aamma 15,1 pct.-imik qaffassimallutik. Kisianni pisiassat tamaasa eqqarsaartigalugit tamarmik akitsorsimapput.
Atuisunut akit naleqqersuutaat atuisut tamakkiisumik atuinerisa agguaqatigiissinnerannik uuttuuteqarnera eqqumaffigissallugu pingaartuuvoq. Tabel 1-imi uuttuutit takukkit. Taamaasilluni nioqqutissaqarfinni ataasiakkaani akit tamakkerlutik allannguutaat akinut naleqqersuummut tamakkiisumut annertunerusumik sunniuteqarsinnaanngillat, soorlu atuisut ataasiakkaat aamma akit allanngornerat allatut misigisinnaagaat, atuisut namminneq qanoq atuisarneri apeqqutaalluni.
Taamatuttaaq eqqumaffigissallugu pingaartuuvoq 1. januaarimiit 1. juulimut akit qanoq inissisimanerat naleqqersuummi takutinneqarmat, taamatullu piffissap pineqartup iluani akit qanoq allanngortigisimanerannut takussutissaammat. Saqqummersitamilu matumani 2023-mi januaarip aallaqqaataani akit tunngavigineqarput, taamaasilluni januaarip aallaqqaataannit ulloq saqqummersitsivissaq tikillugu akit allannguutaat ilaanngillat.
Qaammatit aqqaneq-marluk ingerlanerini qaffariaatit pct.-inngorneri titartakkami siullermi takutinneqarput.
Titartagaq 1. Atuisunut akit, qaammatit aqqaneq-marluk ingerlanerini qaffariaatit procentinngorlugit, januaarimiit 2019 - januaarimut 2023
Najoqqutaq: https://bank.stat.gl/PRNPRISVIndeks (2008=100)
Atuisunut akit ukiup affakkaarlugit ineriartornerat
Atuisunut akit ukiup affaani kingullermi, piffissami 2022-mi juulimiit 2023-mi januaarimut 0,9 pct.-imik qaffassimapput. Januaari 2019-imit januaarimi 2023-mut atuisunut akini ukiup affakkaarlugit allannguutit procentinngorlugit titartakkami 2-mi takutinneqarput.
Titartagaq 2. Atuisunut akit, ukiup affakkaarlugit allannguutit procentinngorlugit, januarimiit 2019 - januarimut 2023
Najoqqutaq: https://bank.stat.gl/PRNPRISVIndeks (2008=100)
Nioqqutissat immikkoortitikkat ataasiakkaat sunniutaat
Nioqqutissakkuutaat Pisiassat kiffartuussinerillu tamaasa ineriartornerat tassani akit assigiinngitsut ineriartorneri tunngavigalugit.
Inuussutissat atuisunut akinut naleqqersuummut qaffariaataanerpaasimapput.
Titartagaq 3. Piffissami 2022-mi januaarimiit 2023-mi januaarimut nioqqutissat immikkoortitikkat ukiumut allannguutaat procentinngorlugit
Najoqqutaq: https://bank.stat.gl/PRDPRISV
Malugiuk: Nioqqutissat assigiinngitsut atuisunut akinut naleqqersuummut sunniutaat takuneqarsinnaavoq. Akit nikissimanerat aamma qanoq oqimaalutarneqarsimanersut tassunga apeqqutaavoq.